माझ्या मना समजून घे रे,, ह्या व्यथा वेदना
येणार ती नाही फिरुनी,, तुझ्या ठायी पुन्हा
रेतीचे ते घर स्वप्नांचे,, एका वादळाने गेले उडून
आनंदाचा तो संसार,, सारे गेले आज तुटून
माझ्या मना विसरून जा रे,, त्या क्षणाच्या खुणा
येणार ती नाही फिरुनी,, तुझ्या ठायी पुन्हा
प्रीतच होती अशी रुसलेली,, तू उराशी पक्की जपलेली
हसुनी ती तर निघून गेली,, तू का अश्रु सवे बिलगती
माझ्या मना सोडून दे रे,, त्या प्रीतीच्या भावना
येणार ती नाही फिरुनी,, तुझ्या ठायी पुन्हा
ती होती श्वास ती होती प्राण,, प्रेमात गुंतलेलो विसरून भान
विसरुनी मजसी गेली निघून,, गोड हास्य मजपाशी सोडून
माझ्या मना खर सांगू का रे,, ती अजुनी आठवे मला
विसरणे तिला आहे कठीण,, सावरू कसा स्वताला
माझ्या मना सांग ना रे,, खरच नाही येणार का ती पुन्हा..??
अश्रूना आवरण्या झाले,, आता कठीण मला....
अश्रूना आवरण्या झाले,, आता कठीण मला....
--स्नेहल
No comments:
Post a Comment