चारोळ्या मराठी अन हिंदी...!!

खरच कुणीतरी असलंच पाहिजे
दु:खात अश्रू पुसायला..
आनंदात हसू आवरायला..
--स्नेहल

चाहे आये कितने भी दुःख..
चाहे कितने भी रहो परेशान..
हसी रखना जुबान पे कायम..
खुदा खुद करेगा सुखों का इंतजाम...
--स्नेहल

गेले ते दिन अन सरले ते क्षण
आज उसवल्या गत वाटे हे मन
जिवापेक्षा जास्त जीव लावून हि
आज ठिगळ जोडत बसले हे मन..!!
--स्नेहल

तुझ्या हृदयातले प्रेम
नजरेतून काय दिसले
लाजून पापणी आड
ते हळूच जाऊन लपले..!!
--स्नेहल

शब्दांना नाही जमलं
ते नजरेने लगेच हेरलं
हृदयात प्रेमाचं बीज
नुसत्या इशारयानेच पेरलं...!!!
--स्नेहल

हास्य माझ्या मनीचे
तुझ्या मुखी उमलावे
अश्रू तुझ्या नयनीचे
माझ्यात सामवावे...!!
--स्नेहल

जिंदगी लगती हसीं है पण जीना इसे मुश्किल है
हर डगर पे खड़ी मुसीबत लगती यहाँ... हरपल है
डर डर के ऐ दिल ना कभी तू ऐसे परेशान हो
हिम्मत कर,, कोशिश कर.. फिर मंजिल को पास देख न यु हैरान हो...!!
--स्नेहल

बघुनी तुला सखे ग
काही सुचेना कशात
मन वेडावले असे हे
जीव गुंतला तुझ्यात..!!
-- स्नेहल

प्रेम भाव संवेदना संस्कार
ह्याच मूर्तिमंत तू रूप आहेस
धन्य आहे मी प्रिये
कि तू माझी मैत्रीण आहेस..!!
--स्नेहल

सांजवेळी च्या क्षणी आतून
आठवणी जाती हळूच डोकावून
डोळे हि मग वाट शोधती
अश्रुना लोटण्या पापण्यांच्या टोकावरून..!!
-- स्नेहल

आठवणी चा हा असा प्रताप
अश्रूंच्या उद्रेकात भिजली वाट
ह्या वाटेवर वाहिले वेदनेचे पाट
मन बुडाले त्या जुन्या क्षणात..!!
--स्नेहल

भाव तुझा भक्ती तुझी
प्रेमाची हि सक्ती तुझी
लक्षलक्ष मनांमध्ये फक्त
वाटे आसक्ती तुझी..!!
--स्नेहल

तिला ऐकूच येत नाही
माझ्या प्रेमाची साद
माझे शब्द हि तरसतात
ऐकण्यासाठी तिची दाद...:(
--स्नेहल

प्रीत होती साक्षीला पण
शब्द चुकले त्या घडीला
मन दुखले अनवधानाने अन
अश्रू आले मज नयनीला
-- स्नेहल

सांजवेळी अशी अनामिक
दाटे हुरहूर आज मनी
शंका कुशंका वेग घेती
घटे ना काही अनहोनी..
-- स्नेहल

अंधारया रातीला
दु:खाची असे किनार
उजेडाच्या शोधात
सुख झाले बेजार...!
--स्नेहल

लक्ष लक्ष विनवुनी
लक्ष न देई कुणी
लक्षात हि येईना
लक्ष्य का गेले चुकुनी...?
-- स्नेहल

मज नयनीचे हे अश्रू
तुझ्या वेदनेने ग आहे झरते
तुझी वेदनाच वाहून द्यावी
अशी भावना तव असते.
--स्नेहल

वलय तुझ्या प्रीतीचे
मज भोवती असे गुंफले
कोशात ह्या सुखाच्या
मन आनंदाने गुंतले...!
--स्नेहल

सारे दिसती रोज इथे पण
तू का नसे ग कुणीकडे
तरसुनी गेला जीव आता हा
सादेला तरी प्रतिसाद मिळे...
-- स्नेहल

सुख अन आनंद
दिसे ते सर्वत्र
नशीबच माझे करंटे
घडे सारे अभद्र
-- स्नेहल

लाख बार मनाके भी वो ना माने
दिल की हालत वो बेदर्द ना जाने
तोड़ जाता है ये दिल हर बार पर
चाहत का जूनून वो क्या जाने...?
-- स्नेहल

तू म्हणायची,
अरे प्रेम करतोस मग
तसे सांगत का नाहीस
आज ओरडून सांगतो
पण तू दिसतच नाहीस...
--स्नेहल

सोनकळी माझी
मनात वसते
हृदयातून बोलून
श्वासात हसते...:)
--स्नेहल

माझा वावर नेहमी
तुझ्या हृदयातच असतो
माझ्या गावचा पत्ता हि,
मी तुझ मनच सांगतो...:)
--स्नेहल

वीज कडाडली.. मेघ हि गडगडले
ह्या झंझावातात शब्द हि अवघडले
ओढीने तुझ्या अश्रू हि खळखळले..
पावसा सवे मनसोक्त बरसले..!
--स्नेहल