वाट जीवघेणी..!

आठवणीचा वणवा पेटला होता
अश्रू हि काठावर टेकला होता
आज काही अघटीत होणार
मनात घेऊन बसला होता

मनात वारा वाहत होता
भावना अश्या बघत होता
वणवा जसा भडकला होता
विचार अचानक तडकला होता
.......आज काही अघटीत होणार
मनात घेऊन बसला होता

काटा जोरात फिरत होता
वेळ मात्र सरत नव्हता
वाट समोर असूनही
वाटेमध्ये अडकला होता
.......आज काही अघटीत होणार
मनात घेऊन बसला होता

दुष्ट चक्राच्या गर्तेत होता
नियतीच्या खेळात सापडला होता
वेळ आली होती मात्र
काळ आज आला नव्हता
........अस अघटीत नव्हतच होणार
म्हणून मनात खुदकन हसला होता

अश्रुने उडी मारून
आनंद व्यक्त केला होता
तो मग आपसूकच
तिच्या मिठीत सामावला होता
........तो मग आपसूकच
तिच्या मिठीत सामावला होता

--स्नेहल